الميل فوي من مطبخي

سلام الله عليكم اخواتي
اليوم غنزل ليكم هد الميلفوي المنزلية من يدياتي جات ولكن اسفة مشاو لي صور الطريقة ولكن معليش غنحاول نوصلها ليكم بطريقة اللي تعجبكم





 المقادير 

بالنسبة للكريمة انا استعملت لاكريم موسلين
فيها نصف لتر حليب
3 بيضات
1فاني
قشرة حامضة محكوكة
السكر سنيدة 150غ
الزبدة125غ
50غ النشا او المايزينا

الطريقة
نعملو الحليب في كسرونة يسخن فوق النار
ناخدو البيض + السكر ونطربوه زيان + النشا +الحليب اللي سخناه واحنا كنطربو من بعد نعاودو نرجعوه فوق النار حتى يصبح الخليط مكثف على شكل كريمة ونخليوه حتى يبرد شوية ونزيدو عليه هديك الزبدة واحنا كنطربو حتى تصبح كريمية+الفاني + قشرة الحامض محكوكة ونخليوها جانبا حتى تبرد

داباندوزو لتحضير العجين 

 اول شئ نحتاجو للعجين المورق 
تجدونه في هد الرابط
ناخدو العجين المورق ونطلقوه بالمدلك الى 3 الورقات اللي نثقبهم بالفورشيط مزيان باش متنفخش لينا العجينة ومني يطيبو نخليوهم يبردو

وهدو مقادير الفوندان
نحتاجو لابيض بيضة +زلافة سكر كلاصي + معلقة صغيرة خل واحنا كنطربو فوق حمام مائي حتى يذوب السكر وتنسجم العناصر
ملاحظة الفوندان ::نخليوه اخر حاجة حتى نعمرو الطبقات بالكريمة عاد نوجدوه باش ميجمدش

دابا ندوزو  لطريقة التحضير المونتاج بما ان كلشي واجد
كناخد لابات اللي طيبناها ونعمل ليها طبقة من الكريمة ونعمل طبقة اخرىمن البات + طبقة اخرى من الكريمة ونزيد الطبقة الثالثة وهد الطبقة كنعمل فوقها الفوندون اللي وجدناه ونكون مدوبا الشكلاط اسود ونعملو في بلاستيكة ونثقبها ثقبة رقيقة ونزوق بيه على شكل ميلفوي وهاهي واجدة  بالصحة والراحة 
نتمنى نكون وفقت في الشرح وبالصحة والراحة




إرسال تعليق

 
Top