السلام عليكم ورحمة الله تعالى وبركاته
هدي محنشة مالحة بعجينة المسمن نتمنى تععجبكم
المقادير 
العجينة.... نصف كيلو طحين فيها 375g طحين فرص+ g 125 طحين فينو + شوية ديال الملحة + خمارة الحلوى+ 3 م ك زيت الماء دافى . 
نعجنو العجين عادي بحال المسمن وزندلكوها مزيان ونعملوها كويرات ونخليوها ترتاح مزيان باش تعطينا الطوع في التكراص
الحشوة 
.............رابعة كفتة +4 بصلات كبار مشلدين + 3 فلفلات ملونين مقطعين مربعات صغار + شوية زيت العود+لبزار+نصف معلقة سكنجبر + نصف معلقة خرقوم بلدي + كنور بكري + دامة زعفران+2 بيضات مصلوقين +شويةفروماج محكوك+ بكية شعرية صينية +شوية زيتون اخضر مقطع.

الطريقة
في مقلى نضع شوية زيت العود ونشحرفيها البصلة والفلفلة ونزيد العطرية كلها ثم نزيد الكفتة ونفتوها مزيان معالتحراك واخيرا نزيدالشعرية الصينية اللى خوينا عليها شوية ماء سخون وصفيناها وقطعناها انا كنطحنها في الطحان الكهربائي كتجيني مقادة ثم نحرك الكل ونزيد الزيتون ونطفو على العافية ثم نزيد البيض مصلوق ومحكوك ونخلو الخليط يبرد .
ناخد كرة من العجين ونسرحوها ثم ندهنوها بالزيت والزبدة تم نسرح كرة الثانية ونضعها بجانب الداءرة الاولى ثمالثالثة ونحاولو نلصق جنب مع جنب ثم نضع الحشوة فوق الدواءرالمسرحة على شكل حربل طويل في العرض ثم ندردر عليها الفروماج محكوك انا عملت فرماج السندويش ونلويو عليها العجينة ثم نروليوها ثم ندوروها على شكل محنشة ونضعها في طاوة مدهونة بالزبدة وهاكدا حتى نكمل لمحنشة ديالنا وندهنها باصفر البيضة مخلطة مع شوية نسكافي ثم نطيبها فيالفران ومن بعد نزينها حسب الرغبة


إرسال تعليق

 
Top