السلام عليكم ورحمة الله تعالى وبركاته

بزاف دالعيالات كيتشهاو الرفيسة وكيعكزو عليها ويتشكاو من لمسمن انه كياخد الوقت. اليوم غادي نقدم ليكم طريقتي لي كندير  ساهلة وهي التريد.



 اليكن طريقتي
كنوجدو العجينة على حسب القياس لي بغيتو طبعا وعلى حسب الاشخاص.كنديرو تقريبا نصف كيلو دقيق الحرش او الاصفر او الفينو+نصف كيلو غرام الدقيق الابيض او الفورص والملح وطريطقة الخميرة معجونة قياس حمصة والما دافي وندلكوها مزياااااان حتى تولي طرطق ونعملو كويرات صغار منكبروهمش لاننا ماغاديش نطويو لمسمن وخاصو يتسرح رقيق بزاف ندهنوهم بالزيت ونخليوهم يرتاحو غي شوي.ايلا كانو مدلوكين مزيان ميحتاجوش الوقت بزاف يرتاحو

كنسخنو المقلة التقيلة لكبيرة ونسرحو لمسمنة الاولى رقيقة بزاف ونرميوها طيب ونمشيو نكرصو الاخرى بالزربة ونرميو فوقها التانيةونقلبو ونعاودو نكرصو وحدة خرى ونجيو نقلبو التانية ونرميو فوقها التالتة 


ونبقاو غادين هكدا يعني لوقت لي طيب فيه لمسمنة هو لي كنكرصو فيه الاخرى وحنى كنقلبو حتى كنطيبو تستيفة.انا متلا كنوصل 14 او 16 مسمنة وكنحبس حنت كتعمر لمقلة وكيتقالو 






الطريقة موضحة بالفيدية اسفل




إرسال تعليق

  1. وااااااااااااااااو يعطيك الصحة

    ردحذف
    الردود
    1. اللهم امين الحبيبة ربي يخليك لي مليكة

      حذف
  2. الله يعطيك الصحة على المجهود

    ردحذف
  3. تبارك الله عليك سهومة ...صراحة الرفيسة هي بالتريد

    ردحذف

 
Top