السلام عليكم
بسطيلة بالحوت ولاداند


المقادير والطريقة باذن الله
نصف كيلو الورقة البسطيلة
نحتاجو لكيلوغرام  نتاع صدر لاداند
800 غ القمرون
800غ كلمار
الفلافل وحدة حمرا وخضرا وصفرا مربعات
زلافة صفير زيتون اخضر مقطع رقيق انا كنطحنو في المكينة
الفطر الاسود مرطب في الماء طايب ومصفي وحتى هو مطحون في الطحان حتى يولي مشلظ بحال البصلة
الفطر الباريسي او العادي حتى هو مقطع رقيق او مطحون كيف عملت انا
الشعرية الصينية مرطبة في الماء طايب والملح ومصفية وحتى هي مقطعة صغير قد حبات الشعرية العادية
الهريسة
الحامض اخضر
صوص صوجا
الكامون
ضامات الحوت
التحميرة
الثومة مفرومة
زيت الزيتون
قبطة البورو مشلدة



اولا كناخذو صدر لاداند وكنشرملوه في الشرمولة التالية: نصف كاس صوص صوجا +الكامون+ الفلفلة حمرا+ الثوم + ضامة بنكهة الحوت+الهريسة+ زيت الزيتون+ عصير حامضة نشرملوه ونعملووه في طاوة الفرن وندخلوه الفرن حتى ينضج ونقطعوه قطع صغيرة مثل  الصورة

تانيا
كناخذو القمرو كنعملو في مقلاة سخونة فيها طريف الزبدة وشويو لاصوص اللي بقات علينا من لاداند وعصير الحامض حتى يطيب ونزولو من النار
في نفس المقلاة نوضوعو طريف الزبد اخر + حتى هو م ك من لاصوص اللي بقات لينا من صدر لاداند وعير الحامض حتى يطيب ونزولوه
في نفس المقلاة كنعملو انواع الفطر بزوج مع م ص الزبدة وشوية لاصوص اللي بقات من صدر لاداند اللي طاب
في نفس المقلاة نعملو البورو +الفلافل مع شوية الزبدة وشوية لاصوص اللي شاطت لينا من صدر لاداند
هدشي كامل اللي شحرناه اللي ساليناه نعملو في شي انية ونخليوهم يبردو ونزيدو عليهم الزيتون والهريسة والشعرية فرميسل اللي حتى هي مني رطبانها وقطعناها زدنا عليها الباقي من لاصوص المتبقية من لاداند اللي طاب ونخلطو كل هدشي ونزيدو عليهم الفرماج احمر محكوك


ناخذو الورقة ونعملوها في طاوة الفرن بحال البسيطيلة العادية ونعمروها بالحشوة ونلمطوها عادي وانا زينتها بالورقة مقطعة على شكل خيوط بالمقص



وندخلوها الفرن حتى تنضج وتزين حسب الرغب


إرسال تعليق

 
Top