بايلا سهلة وبسيطة للعشا ولكن بنينة نتمنى تعجبكم
المقادير على حساب عدد الافراد
حاجتنا للروز و من الاحسن يكون كلاصي باش يستحمل الطياب تنغسلوه و نديروه في مقلة كبيرة لان فيها غادي ينضج الطبق ديالنا تنقليوه في شوية الزيت و نبقاو نحركو باش ما نحرقوش الروز
منين تيتحمر كامل تنزيدو عليه البصلة مشلظة و مطيشة مشلظة و نقليوه معاهم بالعطرية سكنجبير تحميرة خرقوم ابزار ملح
فاش تيتشحر نزيدو عليه القياس ديال مرق الدجاج ال تنكونو وجدنا قبل و فيه عظام الدجاج مع بصلة نتكوها بالقرنفل و ورقة سيدنا موسى و شوية ازير
نتسناو يغلي و نضيفو باقي الخضر على حساب الرغبة انا درت الفلفلة مربعات جزر مربعات جلبانة و نستفو الجناوح ديالنا و من بعد قزبر و معدنوس

نخليو الطبق ديالنا حتى ينضج و ينشف تماما من المرق و نقدموه بالصحة و الراحة جربوه ماغاديش تشبعو منو المرق بلذة الاعشاب المنسمة و القرنفل تيعطيه لذة مممممممممممم


إرسال تعليق

 
Top