لسلام عليكم ورحمة الله تعالى وبركاته
اليوم بغيت نشارككم هد الوصفة  السهلة ولكن بنينة في نفس الوقت
كراتان نتاع لبات بالكفتة




اول شئ نحتاجو ليها  هو نسلقو لبات النوع اللي بغيتي واللي متوفر عندك اختي
انا هنا استعملت لفيس 
كنسلقهم في الماء مملح مع م ص الزبدة

تاني شئ نحضرو لاصوص توماط
انا عملت 2 مك صلصة الطماطم وممكن تعملو مطيشة الحك او العلبة وتطلقوها في شوية الماء + 2 مطيشات طريات محكوكين+ درس تومة محكوك +ملح+  ابزار+شوية كمون+تحميرة او الفلفل الاحر الحلو + شوية زيت الزيتون + شوية الزعتر مطحون+ونشحروها مزيان مزيان عاد نزيدو الكفتة متبلة ونشحرو كلشي حتى تتفتت لينا الكفتة وتشحر الصوص 
ونخليوها جانبا

 ثالث شئ نحضروه وهو لاصوص بيشاميل
ناخدو 2 مك زبدة ندوبوها على عافية مهيلة + 2 مك طحين انا استعملت م ك طحين ابيض ومك نشا ونحركو مزيان ++ الحليب لتر الا ربع ونحركوها حتى نحصلو على بيشاميل بدون تكللات + ملح + ابزار + كوزة محكوكة
ونحتفظ بيها جانبا

ندوزو لطريقة التحضير
كناخدو اناء اللي يمشي للفرن 
نعملو فيه طبقة خفيفة من صوص بيشاميل+ طبقة من البات او المقرونة + طبقة صوص طوماط وهكدا + طبقة اخرى من المقرونة + طبقة من الصوص طوماط + الباقي من البيشاميل منعملوهش كلو يعني الباقي من البيشامي نخليو منو شوية ونزيدو عليه فرماج احمر محكوك ونعملوه كطبقة من الفوق باش يجي الكراتان محمر ومشهي وندخلوهالفرن مدة نصف ساعة 

 ونقدموه بالصحة والعافية


إرسال تعليق

 
Top