وصفة اليوم هي خبز الطوست بالقمح الكامل و زريعة الكتان والزنجلان

جربتو من الاخت ام اسامة وايمان وطلع هايل الله يعطيها
خبز صحي 100/100


المقادير نقلتهم بالحرف كيف كتباتهم الاخت ام اسامة وايمان : 600 غ دقيق لقمح الكاملل + م ك سكر + م ك 
حليب غبرة (بودرة ) 1 خميرة حلويات وزن 20 غ + م ك 
خميرة الخبز + م ص ملح + 75 غ زبدة دايبة + 2 م ك زريعة
الكتان مطحونة + حليب دافي لجمع العجين + 
للتزيين : حفينة من زريعة الكتان + حفينة زنجلان + شوية حليب 
الطريقة : خلطت الدقيق مع كل المكونات وجمعتهم بالحليب الدافئ وعجنتهم مزيان حتى حصلت على عجين لين مدلوك مزياااان 
خليت العجين يرتاح 20 دقيقة كيف قالت الغالية ريم ومنبعد طلقتو ولويته وطبعا ملي نلوي العجين منزيرش يدي باش تبقا شوية مساحة فين يخمر
دهنت الخبز بالحيب ورشيت عليه كمية مهمة من خليط زريعة الكتان والزنجلان

خليتو خمر مزيان ودخلتو للفران سخون من قبل على 180 درجة مئوية حتى يطيب عينك ميزانك

هاهو واجد طلع رائع جدا

إرسال تعليق

 
Top