السلام عليكم ورحمة الله تعالى وبركاته
اليوم عملت هد الحليوة وكتعجبني بزاف وقلت نزلها لانيقاتي الغاليات يستافدو منها
المقادير
نصف كيلو كوك مطحون
نصف كيلو كاوكاو مطحون بقشرته
كاس عنبة زيت
3 خمارات
4 البيضات
3 الكيسان عنبة سنيدة
5 م كبار كاكاو بودرة
2 ساشي فلان شكلاط بلا سكر
رابعة سكر كلاصي والزهر للتفناد

الطريقة
كنطربو البيض مع سنيدة والزيت + الكاكاو والفلان+ الكوك والكاوكاو + الخمارات حتى تجمع نعملو كويرات ندهنو يدينا بماء الزهر ونفندوها غير من وجها غير الفوق بالسكر الكلاصي ونعملوها في طاوة مزيتة ومرشوشة بالدقيق وندخلوها تطيب 
الطياب بحالها بحال البهلة والوقت ميتجاوز من 10 دقائق حتى 15 دقيقة
وبالصحة والراحة
وهاهي نتمنى تنال اعجابكم



إرسال تعليق

 
Top